Tumse Pyaar Hua...

Dil Phir Ek Gumaañ Ka Shikar Hua,
Khatm Har Khushi Se Mera Aitbaar Hua..!

Hazaar Khwahishoñ Ki Kab Maine Tamanna Ki Thi,
Bas Ek Armaañ Tha Dil Ka, Jo Taar Taar Hua..!

Jee Raha Tha Jo Ab Tak Haseeñ Khwaab Ko Maiñ,
Chot Dil Pe Lagi, Aur Maiñ Bedaar Hua..!

Faisla Kar Liya Tha Ke Ab Na Uljhoonga Uski Zulfoñ Meiñ,
Kal Mulaqãt Hui, Aur Maiñ Phirse Beqaraar Hua..!

Tamaam Gham Ko Bhulake Ye Nazreiñ Muskurati Haiñ,
Har Ek Baar Jab Inko Tera Deedaar Hua..!

Woh Bijli Thi, Ya Khanjar Tha, Kya Tha?
Uske Nazroñ Se Nikalke Jo Dilke Mere Paar Hua..!

Ab Bhi Na Samaj Aaya Ho To Sun Lo Tum,
Woh Sirf Tum Hi Ho Jisse Mujhe Pyaar Hua..!

Related Stories