Intezaar...

Uss Waqt Ke Intezaar Meiñ,
Jeene Lage Haiñ Hum…

Jis Waqt Ne Sabhi Ke,
Zakhmoñ Ko Bhar Diya..!

Kahne Ko Woh Hawa Ka,
Ek Jhoñka Hi Tha Magar…

Aañdhi Ki Tarah Tinka Tinka,
Mere Ghar Ko Kar Diya..!

Royenge Aur Na Unki Yaad Meiñ ,
Aañsoo Bahayenge…

Humneiñ Ye Apne Aap Se,
Samjhauta Kar Liya..!

Zinda Raheiñ Woh Mujhmeiñ,
Hamesha Hamesh Tak...

Takhallus Hi Humneiñ Apna,
'Ibn-e-Kamāl’ Kar Liya..!

Related Stories