Ajeeb Faasle…

Kuch Faasle Yahaañ Bade Ajeeb Hote Haiñ…
Yeh Tab Bhi Hote Haiñ, Jab Hum Qareeb Hote Hain!

Na Dil Toote, Na Ashq Chhalke Aur Mohabbat Haasil Ho Jaaye…
Kya Kisi Ke Aise Bhi Naseeb Hote Haiñ..?

Haadsoñ Se Aashnai Hai, Ya Ittefaq Hai… Kya Hai..?
Kabhi Maiñ Unke To Kabhi Woh Mere Qareeb Hote Haiñ..!

Har Ittefaq Mehez Ittefaq Nahi Hota,
Dostoñ Meiñ Hi To Aksar Raqeeb Hote Haiñ..!

Shama Se Milke Jaljana Hi Unka Muqaddar Hota Hai,
Aur Log Samajhte Haiñ Ke Parwaane Bad-Naseeb Hote Haiñ..!

Related Stories